LOADING

Type to search

စစ်ကိုင်းမြို့က ယိုးဒယားတွေဆောက်လုပ်ခဲ့သော စိတ်ဝင်စားဖွယ် ရှေးဟောင်း မဟာသိမ်တော်ကြီး

စစ်ကိုင်းမြို့က ယိုးဒယားတွေဆောက်လုပ်ခဲ့သော စိတ်ဝင်စားဖွယ် ရှေးဟောင်း မဟာသိမ်တော်ကြီး

Bagan Thar May 19, 2019
Share

စိတ်ဝင်စားဖွယ် မဟာသိမ်တော်ကြီး (သို့) ယိုးဒယားသိမ်တော်ကြီး

တစ်နေ့ ကျွန်တော်စစ်ကိုင်းသို့ သွားစရာရှိ၍ တစ်ချက်ခုတ်နှစ်ချက်ပြတ်အကြံဖြင့် ရှေးဟောင်းနေရာစုံနှံ့စပ်လှသည့် စာရေးဆရာကိုရန်နောင်စိုးအား စစ်ကိုင်းဝန်းကျင်လေ့လာစရာလေးတွေညွှန်းပါဦးဟု လှမ်းမေးရာ ၎င်းမှ စစ်ကိုင်းက ယိုးဒယားသိမ်ရောက်ပြီးပြီလားဟု မေးပါသည်။ နာမည်ကြားရုံနှင့်ပင် စိတ်ဝင်စားမိလေပြီ။ ကျွန်တော်က မရောက်ဖူးကြောင်းပြောရာ ကိုရန်နောင်စိုးမှ ထိုသိမ်ကြီးအတွင်း၌နံရံဆေးရေးပန်းချီအချို့ကျန်သေးကြောင်း၊ စစ်ကိုင်းငါးထပ်ကြီးဘုရားအနီးတွင်တည်ရှိကြောင်း၊ သွားရောက်လေ့လာသင့်ကြောင်း တိုက်တွန်းပြောဆိုပါသည်။ နှစ်ခါပြောစရာမလို မိမိအကြိုက်ဖြစ်၍ ဟန်ကျလေသည်။ ယခုကဲ့သို့ အမြဲတစေရှာဖွေလမ်းညွှန်ပေးသည့်အတွက် ကိုရန်နောင်စိုးအားလည်း ကျေးဇူးတင်မိပါသည်။

သို့နှင့် စစ်ကိုင်းသို့ရောက်ကြ၍ အတူပါလာသည့်သူငယ်ချင်းတစ်ယောက်မှ ရွှေဉာဏ်တော်စူးရောက်တော်မူလျက် ရိုးရာပါးစပ်လမ်းညွှန်ကို အားမကိုးဘဲ Google map ညွှန်းသည့်အတိုင်း အားကိုးသွားကြရာ အတော်ပင်သွားရ၍ ရွာလည်နေကြပြီး နောက်ဆုံးမှ မဟာသိမ်တော်ကြီးဆီသို့ရောက်လေသည်။ မဟာသိမ်တော်ကြီး(သို့)ယိုးဒယားသ်ိမ်တော်ကြီးသည် စစ်ကိုင်းမြို့ ငါးထပ်ကြီးဘုရား တောင်ဘက်ယွန်းယွန်းမနီးမဝေးရှိ မဟာသိမ်တော်ကြီးကျောင်းတိုက်တွင် တည်ရှိသည်။

ငါးထပ်ကြီးဘုရားရှေ့လမ်းမကြီးမှ မဟာသိမ်တော်ကြီးကျောင်းလမ်းခွဲလေးအတိုင်းဝင်သွားပါက မဟာသိမ်တော်ကြီးကျောင်းတိုက် အဝင်မုခ်မရောက်မီ လမ်း၏တောင်ဘက်ခြမ်း စတုရန်းပုံကာရံထားသောတံတိုင်းရံတား၏ အလယ်တွင် အမရပူရလက်ရာဟုယူဆရသည့် ဤမဟာသိမ်တော်ကြီးကို တွေ့မြင်ရမည်ဖြစ်သည်။ ပုဂံရှိ ဘိုးတော်ကောင်းမှု ဥပါလိသိမ်နှင့်အတော်ပင်ဆင်တူလေသည်။ သိမ်တစ်ခုလုံးကို အုတ်၊ အင်္ဂတေတို့ဖြင့်တည်ဆောက်ထားခြင်းဖြစ်၍ သေချာလေ့လာကြည့်ပါမူ အပြင်ဘက်ရှိအင်္ဂတေပန်းလက်ရာတို့မှာ ပိုမိုအနုစိတ်လျက် ပုဂံဥပါလိသိမ်ထက်သာကြောင်းတွေ့ရပါသည်။

ကျွန်တော်တို့ရောက်ရှိသည့်အခါ ကျောင်းတိုက်အတွင်းရှိ ဆရာတော်တစ်ပါးမှ သော့လိုက်ဖွင့်ပေးပါသည်။ အတွင်းတွင် နံရံဆေးရေးပန်းချီများကျန်သေးသောကြောင့် ဤသို့သော့ခတ်ထိန်းသိမ်းထားရခြင်းဖြစ်ကြောင်းသိရပါသည်။ သိမ်အတွင်းသို့ရောက်သည့်အခါမူ အဘယ်ကြောင့် ယိုးဒယားသိမ်ဟု အမည်တွင်ရခြင်းကို သိမ်အတွင်းရှိ နံရံဆေးရေးပန်းချီများက ထောက်ခံလျက်ရှိနေကြောင်း သိလိုက်ရပါသည်။

အဘယ်ကြောင့်ဆိုသော် အတွင်း၌ကျန်ရှိနေသေးသည့် နံရံဆေးရေးပန်းချီများတွင်ပါသော ဗုဒ္ဓပုံတော်များ၏ဟန်ပန်၊ သီတင်းသုံးရာ ပလ္လင်တော်နှင့်ပြသာဒ်ပါကျောင်းဆောင်၊ ဘေးဘက်ဝဲယာများရှိ ထီးတော်များ၊ ကုက္ကားများ၊ အသုံးအဆောင်များအားလုံးတို့နှင့်တကွ မျက်နှာကျက်အလှဆင်ရေးဆွဲထားသော ပန်းပွင့်၊ ပန်းနွယ်များ၊ကနုတ်ပန်းပုံများ စသည်တို့သည်လည်း ယိုးဒယားပုံစံရိုးရာဟန်များသာ ဖြစ်သောကြောင့်ပင်။ သက်တမ်း၂၀၀ကျော်နီးပါးခန့်ရှိမည်ဟု ယူဆရသော ဤသိမ်တော်ကြီးအတွင်းရှိ နံရံဆေးရေးပန်းချီများမှာ မူလကနံရံအပြည့်ရှိခဲ့ပုံပေါ်သော်လည်း နံရံ အောက်ခြေပိုင်းအများစုမှာ ဒုံစား၍ပျက်စီးကုန်သောကြောင့် ကျောက်ပြားကပ်၍ပြုပြင်လိုက်ရသည်ဟု ဆရာတော်ကဆိုပါသည်။

မိုးယိုသဖြင့် အမိုးကိုလည်း ပြုပြင်ထားရသည်ဟုမိန့်ပါသည်။ အချို့နေရာများတွင်လည်း ခြများရောက်နေကြ၍ ဆရာတော်မှ နံရံပန်းချီများပျက်စီးကုန်မှာစိုးရိမ်နေသည်။ ဆရာတော်များမှ ရှေးဟောင်းသုတေသနဌာနအား အခြေအနေများကိုအကြောင်းကြားသောအခါ တာဝန်ရှိလူကြီးမင်းများလာရောက်ကြည့်ရှု၍ အချိန်မှီပြုပြင်ထိန်းသိမ်းပါမည်ဟု ကတိပေးသွားသော်လည်း ၂လကျော်သည့်တိုင်အောင် လာရောက်ပြုပြင်ခြင်းမရှိသေးကြောင်း ဆရာတော်မှမိန့်ပါသည်။

ဆက်လက်၍ဆရာတော်က ရှေးအခါကဤနေရာတဝိုက်သည် ယိုးဒယားများနေထိုင်ခဲ့ကြသည့် ယိုးဒယားစုများဖြစ်ကြောင်း၊ အရင်က သိမ်ဝင်ကြလျှင် မြို့ထဲကပင် ဤသိမ်ကြီးသို့လာရောက်သိမ်ဝင်ကြကြောင်း၊ ယခုတိုင်လည်း သိမ်အဖြစ်အသုံးပြုနေဆဲပင်ဖြစ်ကြောင်း မိန့်ပါသည်။ နိုင်ငံခြားသားဧည့်သည်များတွင်လည်း ယိုးဒယားဧည့်သည်များ အလာများကြောင်း တစ်ဆက်တည်းမိန့်ပါသည်။ ထို့နောက်အပြင်ဘက်ကို လေ့လာကြရာ ပြတင်းပေါက်များအား အလှဆင်ထားသည့် အင်္ဂတေလက်ရာဒဏ္ဍာရီကောင်များသည် ပြတင်းပေါက်တစ်ပေါက်နှင့်တစ်ပေါက်မတူညီဘဲ ကွဲပြားနေကြသည်ကို တွေ့ရပါသည်။

ဥပမာ ပြတင်းပေါက်တစ်ပေါက်တွင် နဂါးနှင့်ဂဠုန်တို့အား အလှဆင်ထားလျှင် နောက်တစ်ပေါက်က နယားနှင့်ပဉ္စရူပ အစရှိသဖြင့် အလှဆင်ထားလေသည်။ ဆွမ်းသင်ပုတ်တို့တင်ရာ ကျောက်တိုင်များကျန်သေးသည်ကိုလည်းတွေ့ရှိခဲ့ရသည်။ သိမ်အနောက်တွင် ပြုပြင်ပြီးသော သိမ်အရံစေတီအား တွေ့မြင်ရပါသည်။ ယိုးဒယားဟန်အနည်းငယ်ကျန်သေးသည်ကို သတိပြုမိပါသည်။ သိမ်တော်အား မူလကပင်ရှိသည်ဟုယူဆရသည့် စတုရန်းပတ်လည် အုတ်တံတိုင်းငယ်ဖြင့်ကာရံထားပါသည်။ စိတ်ရှည်လက်ရှည်လိုက်လံပြသပေးသော ဆရာတော်အားလည်း ကျေးဇူးတင်မိပါသည်။

ဤကဲ့သို့ မြန်မာပြည်အလယ်ပိုင်း စစ်ကိုင်းမြို့တွင် အဘယ်ကြောင့် ယိုးဒယားလက်ရာသိမ်တော်တစ်ခု ရောက်ရှိနေရသနည်းကို သမိုင်းလှန်သော် ကုန်းဘောင်တတိယဆက် ဆင်ဖြူရှင်မြေဒူးမင်းလက်ထက်က ဖြစ်ပွားသော ယိုးဒယား-မြန်မာစစ်ပွဲမှ အစပြုသည်ဟု ဆိုရပါမည်။ ဆင်ဖြူရှင်သည် အများကသိကြသည့်အတိုင်း အယုဒ္ဓယကို ချေမှုန်းလျက် ယိုးဒယားတို့အပေါ်စစ်နိုင်ခဲ့သည့် မင်းဖြစ်သည်။ ဆင်ဖြူရှင်နန်းတက်ချိန်က မြန်မာတို့နှင့်စစ်မဖြစ်မီ အယုဒ္ဓယနန်းတော်တွင် ညီနောင်နှစ်ပါး နန်းလုကြသည့် အရှုပ်အထွေးများရှိနေသည်။ ညီဖြစ်သူက အစ်ကိုဖြစ်သူဘုရင်၏ ထီးနန်းကို သိမ်းပိုက်ရာ အစ်ကိုဖြစ်သူ နန်းကျဘုရင်သည် ဘုန်းကြီးဝတ်သွား၍ ၎င်း၏ဘက်တော်သားအားလုံးနီးပါးလည်းဘုန်းကြီးဝတ်ခဲ့ကြလေသည်။

ထို့နောက် နှစ်များစွာကြာသောအခါ ယိုးဒယားနှင့် မြန်မာတို့ စစ်ဖြစ်ကြရာ ယိုးဒယားတို့စစ်ရှုံး၍ အယုဒ္ဓယကျလေသည်။ ယိုးဒယားဘုရင်လည်းနတ်ရွာစံလေသည်။ မြန်မာတို့သည် ဘုန်းကြီးဝတ်နေသော နောင်တော်နန်းကျဘုရင် စောမ်ဒတ်ဖရကျောက်ဥထုမ်ပေါန် (Somdet Phra Chow Ut’umphon) အား ဆင်ဖြူရှင်၏အမိန့်ဖြင့် လူဝတ်လဲစေလျက် စစ်ပွဲတွင် အသက်မသေကျန်ရစ်သည့် ယိုးဒယားဘုရင့်ဆွေတော်မျိုးတော်များ၊ မင်းမှုထမ်းများစွာ တို့ကို ဖမ်းဆီးခေါ်ဆောင်ကာ နေပြည်တော်အင်းဝနှင့်မျက်နှာချင်းဆိုင် ဧရာဝတီမြစ်တစ်ဖက်ကမ်း စစ်ကိုင်းတွင် နေရာချထားပေးခဲ့လေသည်။ နန်းကျဘုရင် ဥထုမ်ပေါန်အတွက်လည်း စံအိမ်ဆောက်ပေးကာ နေထိုင်စေသည်။ သာမန်ယိုးဒယားအရပ်သားသုံ့ပန်းများကိုမူ မြန်မာပြည်အနှံ့နေရာချထားပေးခဲ့သည်ဟု ဆိုသည်။ အဆိုပါယိုးဒယားသုံ့ပန်းအများစုတို့သည် မြန်မာ့မြေပေါ်တွင် သက်ဆုံးတိုင်နေထိုင်သွားခဲ့ကြလေသည်။

သို့ဖြစ်ရာ ယခုမဟာသိမ်တော်ကြီးသည် စစ်ကိုင်းတွင်နေရာချထားပေးခြင်းခံရသော ယိုးဒယားနန်းကျဘုရင်ဥထုမ်ပေါန်၏ အဆက်အနွယ်များနှင့် မင်းမှုထမ်းအဆက်အနွယ်များ၏ ကောင်းမှုဖြစ်နိုင်သည်။ နေဝင်ဘုရင်တစ်ပါးနှင့် အဆက်အနွယ်များသည် မိမိတို့ကိုအောင်နိုင်ခဲ့သောလူမျိုးတို့အလယ်တွင် သိမ်ငယ်စွာဖြင့် ဘဝနေဝင်ချိန်ကိုဖြတ်သန်းခဲ့ရမည်မှာသေချာသော်လည်း မိမိတို့၏ယဉ်ကျေးမှုအတတ်ပညာတို့ကို အသုံးချလျက် ရေခြားမြေခြားအရပ်တွင် အနည်းဆုံး ဤသိမ်တော်ကြီးကို တည်ဆောက်ခဲ့ကြသေးရာ လေးစားဖွယ်ကောင်းလေသည်။

ယိုးဒယားဧည့်သည်များ လာရောက်လေ့လာကြသည့်အခါတွင်လည်း ဤမဟာသိမ်တော်ကြီးနှင့်ဆက်စပ်လျက် တချိန်က ဤနေရာဝန်းကျင်တွင် နေထိုင်ခဲ့ကြသော အထိန်းသိမ်းခံ ၎င်းတို့၏ဘုရင်နှင့်အဆက်အနွယ်တို့၏ပုံရိပ်များအား မြင်ယောင်၍ လွမ်းမောတသနေကြမှာကို မြင်ယောင်သေးတော့သည်။ အချိန်ကာလရွေ့လျောလာသည်နှင့်အမျှ ယိုးဒယားတို့သည်လည်း ဒေသခံမြန်မာများနှင့် သွေးနှောကာ ယိုးဒယားလူမျိုးချည်းမှသည် မြန်မာများအဖြစ်ပျောက်ပြယ်သွားကြလေပြီ။

အချုပ်အားဖြင့် မန္တလေးမြို့နှင့် ၄၅မိနစ်ခရီးခန့်သာရှိသော ဧရာဝတီမြစ်တစ်ဖက်ကမ်း စစ်ကိုင်းမြို့ရှိ ယိုးဒယားရိုးရာအငွေ့အသက်များပါဝင်သည့် မဟာသိမ်တော်ကြီး (ခေါ်) ယိုးဒယားသိမ်တော်ကြီးရှိ အင်္ဂတေပန်းလက်ရာများ၊ နံရံဆေးရေးပန်းချီများအား လေ့လာလိုသူများ၊ ရှေးဟောင်း စိတ်ပါဝင်စားသူများ လက်လွတ်မခံသွားရောက်သင့်သော နေရာတစ်ခုပင်ဖြစ်ပါကြောင်းတင်ပြလိုက်ရပါသည်။

အကိုး။
ဗိုလ်မှူးဘရှင်ဘာသာပြန်ဆိုသည့် မင်းသားကြီးဒမ်ရောင်း၏ ‘ယိုးဒယား-မြန်မာစစ်’
Credit – Si Thu

Leave a Comment

Your email address will not be published. Required fields are marked *