LOADING

Type to search

‘နှလုံးသွေးကြောမပိတ်မီ တစ်လအတွင်းပြသည့် နိမိတ်လက္ခဏာ (၈) ချက်

‘နှလုံးသွေးကြောမပိတ်မီ တစ်လအတွင်းပြသည့် နိမိတ်လက္ခဏာ (၈) ချက်

Bagan Thar August 16, 2019
Share

နှလုံးသွေးကြောမပိတ်မီ တစ်လအတွင်းနိမိတ်ပြလက္ခဏာ (၈) ချက်….

အလိုလိုနေရင်း နုန်းနေခြင်း – နှလုံးသွေးကြော ကျဉ်းလာ ရင် ခန္ဓာကိုယ်က ခြေတွေ၊ လက်တွေ၊ အဂါင်္တွေကို သွေး အရောက် နည်းလာပါတယ်။ ဒီအတွက် ခါတိုင်းထက် ညောင်းတာ၊ နုံးတာတွေ ဖြစ်ပေါ် ခံစားရပါတယ်။

မျက်နှာနဲ့ မေးရိုးနဲ့လည်ပင်းတွေကျဉ်ခြင်း – နှလုံးသွေးကြောကျဉ်းလာပြီး သွေးငတ်တဲ့အခါ ရင်ဘတ်အောင့်တာအပြင် မေးရိုးနဲ့ မျက်နှာ၊ လည်ပင်းတွေ ကျဉ်လာတတ်ပါတယ်။

မောပန်းမယ် – အလိုလိုနေရင်း လှေကားတက်၊ တစ်ခုခု လုပ်တိုင်း မောနေတတ်ပါတယ်။ နှလုံးသွေးကြော ကျဉ်းလာတဲ့အခါ အဆုတ်ထဲမှာရေစုလာ တတ်ပါတယ်၊ အသက်ရှူမဝသလို ဖြစ်လာတတ်ပါတယ်။

ပျို့ချင်အန်ချင်တာတွေဖြစ်မယ် – ရင်ထဲမှာနေလို့မကောင်းဘူး၊ ဘာရယ်မဟုတ် ဗိုက်ထဲမှာ လေပွသလို စားပြီးရင် ပျို့ချင်သလို အန်ချင်သလို မကြာခဏ ခံစားရနိုင်ပါတယ်။

ချွေးစေးတွေ ပြန်လာတတ်မယ် – ရင်ဘတ်ထဲမှာ နေလို့မ ကောင်းတာနဲ့အတူ မကြာခဏ ချွေးပြန်တာကို ခံစားရပါ မယ်။

ရင်တလှပ်လှပ်တုန်ခြင်း – ရင်ထဲမှာ ဟာနေခြင်း ရင်ထဲမှာ ဆို့ပြီး နေလို့မကောင်းတာ ရင်တွေ တုန်နေတာတွေက နှလုံးစည်းချက်မမှန်တာရဲ့ နိမိတ်ပြလက္ခဏာဖြစ်ပါတယ်။ နှလုံးတုန်၊ ရင်ခုန်တာက ပုံမှန်ဖြစ်သလို နှလုံးရောဂါသမား တွေအတွက်စတင်နိမိတ်ပြလက္ခဏာလည်းဖြစ်နိုင်ပါတယ်

ခြေဖျား၊ လက်ဖျားတွေ အေးနေတတ်မယ် – နှလုံးက စတင်ခုန်နှုန်းကျလာတာမို့ ခန္ဓာကိုယ် အစွန်အဖျား၊ခြေတွေ လက်တွေကို သွေးအရောက်နည်းလာပြီးခြေဖျားအေးလာ တတ်ပါတယ်။ ရာသီဥတု မှန်ပါလျက်နဲ့ ခြေဖျား လက်ဖျား လေးတွေ အေးစက်စက် ခံစားရပါမယ်။

မူးဝေလာတတ်မယ် – တရိပ်ရိပ်နဲ့ မူးနေတတ်တာ နေရင်း ထိုင်ရင်း ခေါင်းထဲမှာ ရီဝေဝေဖြစ်တာတွေ ရှိတဲ့အခါ နှလုံး သွေးကြောကျဉ်းတာကို မေ့မထားသင့်ပါဘူး။ဦးနှောက်ကို မှန်ကန်တဲ့ သွေးစီးဆင်းမှု မရှိတဲ့အတွက်မူးနောက်တဲ့ခံစား ချက်ရတာ ဖြစ်ပါတယ်။ နှလုံးသွေးကြော လုံးဝပိတ်မသွား ခင် ကျဉ်းနေတဲ့အဆင့်မှာ ခံစားရနိုင်ပါတယ်။

ဖော်ပြပါလက္ခဏာတွေကို ကြည့်ပြီး မိမိမှာ နှလုံးသွေး ကြော ကျဉ်းနေပြီလား၊ နှလုံးသွေးကြော ပိတ်နေပြီလား နှလုံးရောဂါ ခံစားရနိုင်တဲ့ အရိပ်အယောင်ရှိမလားလို့ မိမိ ကိုယ်ကို ဆန်းစစ်ကြည့်နိုင်ပါတယ်။

အနည်းဆုံး သုံးလေးခုလောက် ခံစားနေရပြီဆိုရင်ကိုမပေါ့ဆဘဲ ဆရာဝန်နဲ့ ပြသတိုင်ပင်စေလိုပါတယ်။

ဂျီပီငှက် (ဆေး/မန်း)
ခရက်ဒစ် – Dr.Myanmar

Leave a Comment

Your email address will not be published. Required fields are marked *